今日這篇文章既內容，就好似標題一樣──風水諸事不宜的三大忌日。
很多人都聽我講過，我有d識得些少風水玄學既豬朋狗友，佢地d風水玄學知識，就真系麻麻地，大多數都系道聽途說，有時就即抄即賣。例如，聽到人地話著底底，要紅色先旺財，朋友跟佢一碰頭，佢就會問下人，聽佢教既著紅色底底旺財方法后，有沒有橫財。
不過，其實都唔少人學佢一樣，聽埋聽埋坊間相傳既方法，就當正獨門秘笈咁，一有機會就拿出來教人，等人當佢大師咁。
有次，有朋友講開擇日，令我突然記起，以前我未跟師傅白鶴鳴大師學風水玄學之前，都聽過d老人家講話“三娘煞”系兇日，千祈唔好揀呢日做野。后來學風水命理時，先記起，原來以前亦聽老人家講過“楊公忌日”唔好。
其實以前的老人家，好多都識少少風水命理既野，準唔準就唔敢講。例如聽他們說過，如果有人上唇有一塊突起的唇肉，就會“口唇有粒珠，為人唔認輸。”又例如“三殺位唔好動土”等等。
而擇日方面，以前坊間最流行既，有“三大忌日”。話說在呢三大忌日，重要既野，千祈唔好做，因為結婚就會離婚、搬屋則家宅會衰、投資一定失敗、如果下葬，就怕一單接一單。
三大忌日，總括黎講就系：
第一 三娘煞
第二 楊公忌日（俗稱楊忌）
第三 赤松子下降日（俗稱赤松忌）
說到流行程度，以三娘煞最為流行，其次楊公忌日，又再其次系赤松忌日。
三娘煞日子如下：
每個月既“初三、初七、十三、十八、廿二、廿七。”
楊公忌日日子如下：
“正月十三日、二月十一日、三月初九日、
四月初七日、五月初五日、六月初三日、
七月初一日及七月廿九日、八月廿七日、九月廿五日、
十月廿三日、十一月廿一日、十二月十九日。”
赤松子忌日如下：
“正月初七并十一，二月初九并十九，三月十五并十六。
四月初九并廿二，五月初九并十四，六月初十并二十。
七月初八并廿三，八月十八并廿九，九月初二并三十。
十月初一并十四，十一月初二并廿一，十二月初一并三十。”
以上日子，全部以農歷計算，呢啲都系老一輩時時用到既擇日法，而家都仲有好多地方流行緊，尤其系大陸添。 有關風水擇日，古有“地理五訣龍穴砂水向”之說，而師傅則常說：“風水三科形氣日。”即是說看風水要看三個部份，第一要看巒頭形勢，現今叫作環境學，即是后方的山峰應該特別高，左右有山遮風擋雨，前方有明堂，令空氣流通。
第二要看間屋幾時有運行，幾時行衰運，這是理氣氣數，用來推算間屋風水大約那段時期好？那段時期衰？好又好什么方面呢？衰又衰什么方面呢？旺財退財，血光官災？
第三，要擇日子配合，例如陰宅下葬安碑，錯誤擇了一個克倒坐山既時間，就要小心了，后人隨時犯血光之災。
其實擇日要配合很多資料的。而坊間流行的擇日法，認為有以上所說三套方法——“三娘煞”、“楊公忌日”、“赤松子下降日”。 例如赤松子下降日用事(做重要事情)，口訣說到：“千軍滿地皆流血，起屋田地盡消滅。埋葬哭聲長不絕，夫婦婚姻早離別。買賣本利一齊折。”
口訣說“赤松子下降日”是一個大兇日，起屋會連田地都賣曬、下葬則會一單接一單、結婚會分離、做生意則本利無曬，所以坊間，以這天為大兇日，四個字——“大事不宜”，重要事不要在這天做。
