而家風水玄學十分流行，好多人都會知少少，就算普通人，聽得多了，有需要問有關風水問題既時候，都會問得叻左。
而近來，有位老友，他代朋友問我一個問題，他說︰“我朋友叫我問一問你， 養風水魚系唔系要有話要養幾多條魚數，先合風水規定 ，先會旺財﹖”
老友這位朋友，我都見過，其實佢以前都好似問過我一些類似既問題。
我話︰“養一條啦！”但老友繼續問︰“只系養一條﹖如果想養多啲呢？”想養多啲，都系跟番個數，我咪同老友講︰“咁叫佢養十一條或者二十一條啦。”
其實匡正大師兄都話過，養金魚既數目，唔同既風水派別，有唔同既睇法。大師兄都有風水文章講過，養魚數目，可以根據風水五行去配合。而風水五行，河洛理數，則各有不同。
養魚會以“水”為主，所以五行喜歡“金、水”數。 河圖以“一、四、六、九”四個數目字為金水數；洛書就話“一、六、七”三個數目字屬金水數。
大家看河洛理數，其中既“一”同“六”數，就系共通既，所以用“一”同“六”數系最穩陣既，一定唔會出錯。
或者有人會問，咁點解我叫佢用一數，而唔用六數？因為我又想加倍穩陣，風水以單數屬于陽數，雙數屬于陰數，以陽數相對吉利論，所以用“一”數。
講到尼度，大家應該都明我點解叫果位仁兄養“一條、十一條、廿一條啦﹖”既魚數啦！
